Sunday, September 18, 2016

வேதம் கண்ட விஞ்ஞானம் 05








எல்லாம் வல்ல இறைவன் ஸ்ரீகிருஸ்ணரை வணங்கி வேதம் கண்ட விஞ்ஞானம் பாகம் 5இனை எழுதுகின்றோம். கடந்த 4ம் பகுதிக்கு ஆதரவும் வாழ்த்துக்களையும் அளித்த பெருமக்களுக்கு முதற்கண் நன்றிகள் உரித்தாகட்டும்.

4ம் பதிவை படிக்க 

https://www.facebook.com/photo.php?fbid=617537994936578&set=a.575649839125394.1073741828.575646049125773&type=1&theater

சென்ற பதிவுகளில் வானியல் மற்றும் மருத்துவம் சார்ந்த வேத வசனங்களையும் அவற்றின் அறிவியல் அணுகுமுறைகளையும் வேதகாலத்தில் வாழ்ந்த சனாதன தர்மம் சார்ந்த மகாரிஷிகளின் பிரமாண்ட வெளிப்பாடுகள் பற்றியும் விரிவாக தந்து இருந்தோம்..அந்த வகையில் இன்று வேதம் கண்ட விஞ்ஞானம் பகுதி 5இல் அறிவியலின் பௌதீகவியலுடன் வேதங்கள் எந்த அளவுக்கு ஒத்து போகின்றன என்பது குறித்து பார்க்க இருக்கின்றோம்..

பௌதீகவியல் என்பது விஞ்ஞானத்தின் அத்திவார என்று கூட கூறலாம்..இன்னும் லட்சக்கணக்கான விடயங்களுக்கு விடைதெரியாத பகுதியே பௌதீகவியல்..அதிலும் ஒளி,மற்றும் போட்டோன்கள் என்பது தொடர்பான ஆராய்வுகள் மிகவும் முக்கியமானவை.

அந்த வகையில் இன்றைய வேதம் கண்ட விஞ்ஞானம் பௌதீகவியல் தொடர்பாக ஆராய உள்ளது..


ஒளியின் வேகம் தொடர்பாக 20ம் நூற்றாண்டில் மேலை நாட்டு விஞ்ஞானிகள் ஒளியின் வேகத்தை கண்டறிந்தனர்..ஆனால் இற்றைக்கு 3395 வருடங்களுக்கு முன்பே மகாரிஷி சயனக்கார்ய என்பவர் இதை துல்லியமாக கணித்துக்கூறியுள்ளார்..

வேதங்களுக்கான விளக்கவுரையை எழுதும் போது குறித்தசுலோகத்திற்கான விளக்கத்தில் இதைகூறி உள்ளார்..


தரணிர் விஸ்வதர்சடோ ஜோதிஸ்க்ர்தாஸி
சூரியா விஸ்வாம பாசி ரோகணம்
ரிக் வேதம் 1504

மேற்சொன்ன வேத வசனத்திற்கு விளக்கவுரை கூரும் போதே மகாரிஷி சயனகார இந்த ஒளியின் வேகத்தை கணித்து கூறியுள்ளார்..

"யோஜனானாம் சகஸ்ரம் தேவ் சதே தேவ் யோஜனே
ஏக்னா நிமிஷார்தேனா கிரமமனா நமோஸ் துதி"

என்னும் சுலோகம் மூலம் ஒளியின் வேகம் குறித்துகாட்டப்பட்டது...அதன் படி கணக்கிட்ட வேகமும் நவீன விஞ்ஞானம் கூறிய வேகமும் சரியாக காணப்பட்டது என்பதே ஆச்சரியத்தின் உச்சம்..

மேற்கொண்ட உண்மையை 1890 மார்க் முல்லர் என்பவரால் தொகுக்கப்பட்ட ரிக் வேதத்திலும் காணக்கூடியதாக உள்ளது....வேதங்களை மொழிபெயர்க்கும் பணிக்கு இவர் சாய்னா பாஷ்யத்தை ஆதாரமாக கொண்டார்..சாய்னா கர்யா என்பவரின் விளக்கவுரை கை எழுத்துப்பிரதி(கி.மு 1395) பற்றி .முல்லர் குறிப்பிட்டு உள்ளார்

குறிப்பு-அர்த்த சாஸ்திரத்தின் படி யோஜனா என்பது 9.11 மைல்களுக்கு சமன்..அது 8000 தனுசுகளுக்கு சமன்.ஒரு தனுசு என்பது சராசரிமனித உயரத்துக்கு சமன்.அதாவது 6 அடிக்கு சமன்.

வரலாறு என்ற ஒன்று உண்டு.அதில் நிஜங்கள் மட்டுமே நிலைத்திருக்கும். டாக்டர் டேவிட் எட்வின் பின்கிரீ என்ற அமெரிக்க கணிதப்பேராசிரியர் 1952 ஆம் வருடம் தற்செயலாக ரோம் நகரில் உள்ள நூலகத்தில் ஒரு புத்தகத்தைப்பார்த்தார்.அதில் ஒரு ஹிந்து வான சாஸ்திர அறிஞரின் பெயர் குறிப்பிடப்பட்டு இருந்தது.அந்த புத்தகத்தில் கூறப்பட்டிருந்த வானியல் உண்மைகளைப்பார்த்து வியந்துபோனார். அதனால் அவர் அன்று முதல் தனது ஆராய்ச்சியை ஹிந்து கணிதம்,வான சாஸ்திரம் நோக்கித் திருப்பினார்.
கி.பி.1965 ஆம் ஆண்டு நமது பாரதத்திற்கு வந்தார்.இத்துறையில் ஓலைச்சுவடியில் எழுதப்பட்ட 20,000 கிரந்தங்கள்(பாடல்கள்)உள்ளன என்று கணக்கிட்டு அவற்றின் விவரத்தைத் தொகுக்கத்தொடங்கினார்.கி.பி.1995 வரை ஐந்து பெரிய தொகுப்புகளாக அவற்றை வெளியிட்டார்.அவற்றிற்கு Census of Exact Science எனப் பெயரிட்டார்.

அடுத்ததாக இந்தியர்களின் கால அளவீடுகளின் விஞ்ஞானம் பிரமிப்பின் உச்சம்.....பூமி தன்னைத்தானே 1600 கிலோமீற்றர் வேகத்தில் சுற்றுகின்றது..இந்த வேகத்தில் தன்னைத்தானே 24 மணிநேரம் சுற்றுகின்றது..இப்படி சுற்றுவதால் 12 மணி நேரம் பகலாகவும் 12 மணிநேரம் இரவாகவும் கருதப்படுகின்றது..

இந்தியகால அளவுப்படி ஒரு நாள் என்பது 24 ஓரைகளை கொண்டது.ஓரை என்ற சமஸ்கிருத நாளடைவில் மருவி ஆங்கிலத்தில் ஹவர் (hour) என்றும் புருத்விடிவாஸ் என்றும் ஓரோ என்ரும் அழைக்கப்படுகின்றது..

இது போக வெள்ளொளி என்னும் கருத்தை குறித்தும் வேதங்கள் அழகான முறையில் விவரணம் செய்கின்றது...வெள்ளொளி என்பதில் 7 நிறங்கள் உண்டு என்கிறது நவீன விஞ்ஞானம்,அதையே நம் வேதங்களும் கூறுகின்றது...சூரியன் 7 தேர் பூட்டி தன் ரதத்தை செலுத்துகின்றார் என்பதுவும் இதன் காரணமாகவே என்கிறது சூரிய புராணம்


சூரியனின் 7 நிறங்கள் தொடர்பாக நியூற்றன் சொல்லும் முன்பே நம் வேதங்கள் கூறுவிட்டன.

"சப்த த்வ ஹெரிதோ ரதே வஷந்தி தேவ
சூர்ய சோசிக்கிகம் விக்கசன"
(ரிக்வேதம் 1509)

அவ திவஸ்த சப்த சூரியாச ரஸ்மயா (அதர்வண வேதம் 17:10:171)

சூரியனின் 7 வண்ணங்களே ஒரு பகலை உருவாக்குவதாக இந்த வசனம்கூறுகின்றது. அப்படியனால் சூரியனுக்கு 7 கிரகணங்கள் தானா?இல்லை சூரியனுக்கு கோடிக்கணக்கான ஒளிக்கிரகணங்கள் உண்டு..அனால் ஒவ்வொரு ஒளிக்கிரகணத்துள்ளும் 7 நிறங்கள் உண்டு...

ரிக் மற்றும் அதர்வண வேதங்களில் அடிக்கடி "சப்த அஸவ ருதா" என்ற வேதச்சொல்குறிப்பிடப்படுகின்றது...ஏழு வண்ணங்கள் அடங்கிய ஒரு கிரகணம் என்பதே இதன் பொருள்.அஸ்வ என்ற சொல்லுக்கு சூரியக்கிரகணம் என்று பொருள்...

"ஈகோ அஸ்வ வஹாதி சப்த நமஹ" என்று ரிக்வேதத்தின் 11642 கூறுகின்றது..
இதன் பொருள் மிகவும் ஆழ்ந்த விஞ்ஞானக்கருத்துக்களை கொண்டுள்ளது

அதாவது சூரிய ஒளி ஒன்றுதான்(வெள்ளொளி ) ஆனால் ஏழு வண்ணங்கள் உண்டு என்று கூறுகின்றது.இதை சூரியன் 7 வண்ணம் கொண்ட குதிரைகளை பூட்டி செல்கின்றான் என்னும் உருவகத்துடன் சொல்கின்றது வேதம்.


சாந்தோகிய உபநிஷதத்தில் கூட ஒரு சுலோகம்(861) சூரிய ஒளிக்கு மூன்று நிறங்கள் இருப்பதாக கூருகின்றது ,,ஆனால் இதுகும் சரியான கருத்துதான் ...காரணம் விஞ்ஞானத்தின் படி வர்ணங்கள்மூன்று மட்டுமே....அதை விஞ்ஞானம்மூல வரம் என்று கூறும்.அதாவது மூல வர்ணங்கள் கலப்பதன் மூலமே மற்றைய எல்லா வர்ணங்களையும் பெறமுடியும்.ஆக இதுகூட சரியான வசனமே...

இதை விட நம் முன்னோர்கள் நவக்கிரக வழிபாட்டின்மூலம் சூரியனை மையமாக வைத்தே பிற கோள்கள் யாவும் சுற்றுகின்றன என்பதை கூறிவிட்டனர்..கோவில்களில் நவக்கிர்க சிலைகளை நோக்கும் போது சூரியனை சுற்றியே பிற கோள்கள் இருக்கும்...அதையே விஞ்ஞானமும் கூருகின்றது,..சூரியக்குடும்பத்தில் இருக்கும்கோள்கள் யாவும்சூரியனை மையமாக வைத்தே சுற்றுகின்றன..

அது போக ராசிகளிளின் படியே 12 மாதங்களும் உருவாகின...ஒரு மாதத்தின் இரவு முழுதும் தெரியும் நட்சத்திரத்தின் பெயர் அம்மாதத்திற்கான பெயராக வைக்கப்பட்டது...


மாதம் நட்சத்திரம்

1.சித்ரம் சித்ரா
2.வைசாக விசாகம்
3.ஜேஸ்தம் ஜெஸ்தா
4.அசாதம் அசாதா
5.சரவணம் சரவணய
6.பத்ர பாதா பூர்வபத்ரா
7.அஸ்வயுகாலா அஸ்வினி
8.கார்த்திகா கார்த்திகா
9.மார்க்கசீரா மிருகசீ
10புஸ்யா புஷ்ய
11.மகா மகா
12பால்குணா பால்குனி


இதை விடவும் ஒரு நாள் என்பது பூமி தன்னத்தானே சுற்றுவது என்றும் அதற்கான நேர அளவீட்டையும் ஒரு வருடம் என்பது பூமி சூரியனை சுற்றுவது என்றும் அதற்கான காரணத்தையும் ஆர்ய பட்டா தனது நூலில் குறிப்பிட்டு உள்ளார்..அதை விட சந்திர கிரகணம் மற்றும் சூரியகிரகணம் மற்றும் அமாவாசை பௌர்ணமி பற்றிய கால அளவீடுகளும் பஞ்சாங்கம் என்னும் நூலின் மூலம் மிகமிகமிக சரியான முறையின் கணிக்கப்படுகின்றது என்பது ஆச்சரியமான விடயமே


இத்தைகைய விஞ்ஞான மற்றும் மனோவியல் மற்றும் கலாச்சாரரீதியில் பாரத நாடும் சனாதன தர்மமும் முன்னோக்கிய சிந்தனையை உடையதாக இருந்துள்ளது...அத்தகைய வழியிலும் பரம்பரையிலும் வந்த நம் தர்மம் மதமாற்றம் மற்றும் பகுத்தறிவு என்னும் பெயர்களினால் நம் தர்மத்தை இழிவு படுத்த நினைக்கும் செயல் வருந்ததக்கது..ஆனால் எது எப்படி எனினும் சனாதன தர்மம் வெற்றி பெறும்..கலியுகம் அதர்மம் வெல்வது போன்ற தோற்றம் காணப்பட்டாலும் தர்மமே வெற்றி பெறும்...

தர்மத்தின் வாழ்வுதனை சூது கௌவும்
தர்மம் மீண்டும் வெல்லும்

ஜெய்ஸ்ரீராம் ஜெய்ஸ்ரீராம் ஜெய்ஸ்ரீராம் ஜெய்ஸ்ரீரா
ம் ஜெய்ஸ்ரீராம் ஜெய்ஸ்ரீராம்`

Tuesday, September 6, 2016

அணுவின் இயக்கத்தை விளக்கும் நடராஜர்


விஞ்ஞானிகளையே வியக்க வைத்த நடராஜர் தத்துவம்



உலகின் மிகப் பெரும் இயற்பியல் விஞ்ஞானிகளில் ஒருவர் கார்ல் சகன். (பிறப்பு 9-11-1934; மறைவு 20-12-1996). சிறந்த விஞ்ஞான எழுத்தாளராகவும் விளங்கியது இவரது தனிச் சிறப்பு!

பாமரனுக்கும் அறிவியலைக் கொண்டு செல்ல வேண்டும் என்ற அவாவில் இவர் கடுமையாக உழைத்தார். தொலைக்காட்சித் தொடர்களை எளிய முறையில் அமைத்து பெரிய விஞ்ஞான விஷயங்களை அழகுற எளிமையாக விளக்கினார்.

அமெரிக்காவில் ஒளிபரப்பப்பட்டு உலகெங்கும் உள்ளோர் பார்த்த 'காஸ்மாஸ்' என்ற பிரபஞ்சம் பற்றிய தொடரை எடுக்கும் மாபெரும் பொறுப்பை இவர் மேற்கொண்டார். 13 எபிசோடுகளில் பிரபஞ்சத்தைப் பற்றி விளக்க வேண்டும்.

இந்தத் தொடரை ஒரு நல்ல அறிமுக உரையுடன் துவக்க அவர் எண்ணினார். இதற்காக பிரபஞ்சம் பற்றிய அறிவை சரியான முறையில் விஞ்ஞானக் கண்டுபிடிப்பிற்கும் விளக்கத்திற்கும் ஒப்ப எந்த நாகரிகம் கொண்டிருக்கிறது என்று ஆராய ஆரம்பித்தார். உலகின் மிகப் பழம் பெரும் நாகரிகங்களான எகிப்திய, சுமேரிய, கிரேக்க ரோமானிய, பாபிலோனிய நாகரிகங்கள் உள்ளிட்ட அனைத்து நாகரிகங்களையும் ஆராய்ந்தும் அவருக்குத் திருப்தி ஏற்படவில்லை. பல்வேறு நாகரிகங்களையும் அவை சார்ந்த மதங்களையும் ஆராயப் புகுந்தவர் அவற்றின் இதிஹாஸ புராணங்களையும் படிக்க நேர்ந்தது. இறுதியாக அவர் பார்வை ஹிந்து நாகரிகத்தின் மீதும் ஹிந்து இதிஹாஸ புராணங்களின் மீதும் பதிந்தது. ஹிந்து மதத்தின் அறிவியல் ரீதியான பிரபஞ்சம் பற்றிய கொள்கையைப் படித்துப் பிரமித்து அவர் அசந்தே போனார்.




இந்தியர்கள்தான் உலகிற்கே பூஜ்யத்தை வழங்கியவர்கள். ஒன்றுக்கு பக்கத்தில் பூஜ்யத்தைப் போட்டால் அது பத்து, நூறு, ஆயிரம் என்று அதிகரிக்கிறது. ஆனால் ஒன்றுக்கு இடப்பக்கதில் எத்தனை பூஜ்யங்களைப் போட்டாலும் ஒன்று ஒன்றாகவே இருக்கிறது. இந்த வியப்பிற்குரிய அமைப்பு கணிதத்தையே எளிமையாக்கி எவ்வளவு பெரிய எண்ணானாலும் எழுதுவதற்கும் கணக்குகளைப் போடுவதற்கும் சௌகரியத்தை ஏற்படுத்தியது. ரோமானிய எழுத்துக்களால் எழுதப்படும் எண்ணோ ஒரு பெரிய தொகையை எழுதும் போது மிக்க குழப்பத்தை விளைவிக்கிறது. சுலபமான நடைமுறையில் இல்லாத அதை எழுதவே சிரமப்பட வேண்டும்.

இது மட்டுமன்றி எல்லையற்ற பிரபஞ்சத்தில் ஆயிரம், பத்தாயிரம், லட்சம் என்ற எண்களெல்லாம் மிக மிகச் சிறியவை ஆகி விடுகிறது. பெரிய பெரிய எண்களைக் குறிக்கும் வார்த்தைகள் எந்த நாகரிகத்தில் இருக்கிறது என்று பார்த்தால் திரும்பவும் பார்வை ஹிந்து மதம் பக்கமே திரும்ப வேண்டும்!


விஞ்ஞானத்தின் முக்கிய இயல்களில் ஒன்றான இயற்பியல் (பிஸிக்ஸ்) முன்னேற முன்னேற
அதன் புதுப் புதுப் பகுதிகளாக க்வாண்டம் பிஸிக்ஸ், பார்டிகிள் பிஸிக்ஸ் போன்றவை
உருவாகி உள்ளன.



கார்ல் சகன் தனது காஸ்மாஸ் டி.வி. தொடருக்காக நடராஜரைத் தேடி சிதம்பர ரகசியத்தை அறிய தமிழ்நாடு வந்தார். தமிழ்நாட்டில் ஒரு நாள் காலை ஆறரை மணிக்கு தனது படப்பிடிப்புக் குழுவினர் புடைசூழ நந்தி இருக்கும் இரு கோவில்களுக்கு விஜயம் செய்தார். ஒரு கோவிலின் அருகே தாமரைத் தடாகம் ஒன்று இருந்தது. இவர்கள் வருவதைப் பார்த்த பத்து வயதுச் சிறுவன் ஒருவன் சரேலென தாமரைக் குளத்தில் பாய்ந்து ஒரு அழகிய தாமரை மலரைப் பறித்து வந்து கார்ல் சகனின் மனைவியிடம் தந்து தனது பெயரைச் சொல்லி அறிமுகப்படுத்திக் கொண்டான்.


எளிமையான, ஆனால் உணர்ச்சிபூர்வமான இந்த அன்பளிப்பால் அனைவரும் அசந்து போனார்கள். இதை நினைத்து நினைத்து நெகிழ்ந்து போன கார்ல் சகன் பின்னால் நியூ டைஜஸ்ட் என்ற பத்திரிக்கையின் ஆசிரியரான ப்ளேசிடோ பி.டி.சௌஸா என்பவரிடம் இதைச் சொல்லி தமிழக விஜயம் தனக்கு பல அதிசய அனுபவங்களைத் தந்ததாகக் குறிப்பிட்டார்.


பிரபஞ்சத்தில் எல்லையற்ற காலத்தையும் ஆக்கலையும் அழித்தலையும் சுட்டிக் காட்டும் சிவநடராஜரைப் பற்றி தமிழகத்தில் அறிந்து கொண்டு நடராஜரைத் தன் காஸ்மாஸ் தொடரில் பத்தாவது எபிசோடான 'தி எட்ஜ் ஃபார் எவரில்' (The edge forever) அவர் பயன்படுத்திக் கொண்டார். கலிஃபோர்னியாவில் பாஸடோனா என்ற இடத்தில் உள்ள நடராஜரை அவர் படம் பிடித்தார்.


இதே கால கட்டத்தில் அணுத்துகள் விஞ்ஞானத்தை விளக்க வந்த உலகின் மிகப்பெரும் இயற்பியல் விஞ்ஞானியான டாக்டர் பிரிட்ஜாஃப் காப்ரா சிவ நடராஜாவின் நடனத்தைக் கண்டு அதிசயித்திருந்தார்! ஆஸ்திரியாவில் பிறந்த அமெரிக்க விஞ்ஞானி இவர். "தி டாவோ ஆஃப் பிஸிக்ஸ்' (The Tao of Physics) என்ற இவரது நூல் உலகப் பிரசித்தி பெற்றது. இந்த நூல் 1975ல் வெளிவந்தது. 23 மொழிகளில் 43 பதிப்புகளாக வெளிவந்த இந்த நூலை லட்சக்கணக்கானோர் படித்தனர்; இன்றும் படித்து இன்புறுகின்றனர்!


அதில் அவர் சிவ நடராஜரின் நடனம் பற்றிக் கூறுகிறார்:-"மேலை நாடுகளின் இயந்திரத்தனமான பார்வையை விட கீழை நாடுகளின் பார்வை உயிருள்ள முழுமையான ஒன்று; அது சுற்றுப்புறச் சூழலை ஒட்டியது! கீழை நாட்டு ஞானிகளுக்கு பொருள்கள் எப்போதும் மாறிக் கொண்டே இருக்கும் திரவ வடிவம் போன்ற ஒன்றுதான்! பிரபஞ்சம் எப்போதுமே இயங்கிக் கொண்டிருக்கும் பிரிக்க முடியாத ஒன்றாக அவர்களால் காணப்பட்டது. இந்தக் கருத்தே இன்றைய நவீன பௌதிகத்திலும் உருவாகி வருகிறது. நவீன பௌதிகம் அணுத்துகளை - தொடர்ந்து நடனமாடும் ஒன்றாக - அதிர்ந்து கொண்டே இருக்கும் ஒன்றாகக் கூறுகிறது. கீழை நாட்டு ஞானிகள் உலகைப் பற்றி விவரிப்பது போலவே இது உள்ளது. ஆற்றல் நடனம் அல்லது உலகை உருவாக்கி பின்னர் அழிக்கும் நடனமானது சிவ நடராஜரின் நடனம் போலவே உள்ளது."


அணுத்துகள் விஞ்ஞானம் கற்க விரும்புவோர் நடராஜரின் நடனத்தைப் பற்றி முதலில்
சற்று அறிய வேண்டும் என்றார் காப்ரா! அணுவில் உள்ள அசைவை - நடனத்தை - சிவ நடராஜரின் ஆட்டத்தில் கண்ட காப்ரா அதை அப்படியே லாஸ் ஏஞ்சலீஸில் 1977 அக்டோபர் 29ம் தேதி பிஸிக்ஸ் அண்ட் மெடா பிஸிக்ஸ் என்ற கருத்தரங்கத்தில் தான் ஆற்றிய முக்கிய உரையில் உலகத்திற்கு விளக்கினார்:




"நவீன இயற்பியல் விஞ்ஞானிகள் பொருளை அசைவற்ற ஜடமாகக் கருதவில்லை. துடிப்புள்ள தொடர்ந்து நடனமிடும் ஒன்றாகக் கருதுகின்றனர். இந்தியக் கலைஞர்கள் சிவ நடராஜரின் நடனத்தைச் சித்தரிக்கும் அருமையான ஓவியங்களையும் சிற்பங்களையும் படைத்துள்ளனர். இவை பிரபஞ்ச நடனத்தின் பார்வை சித்திரங்களாகும். மேற்கத்திய நவீன உபகரணங்களை உபயோகித்து இப்போது நாம் கண்டறிந்துள்ளவை சிவ நடனத்தின் புதிய பிரதியே. ஹிந்து சிற்பங்களில் உள்ள பிரம்மாண்டமும் அழகும் இதிலும் உள்ளன என்றே எனக்குத் தோன்றுகிறது. ஆகவே அவை இரண்டையும் இணைத்துள்ளேன்."



நவீன உபகரணங்கள் மூலமாக அணுவில் உள்ளே துகள்கள் நடனமிடும் அற்புதக் காட்சியைப் படம் பிடித்து அதை அப்படியே நடராஜரின் நடனத்துடன் ஒப்பிடும் காட்சியைப் பார்த்த உலக விஞ்ஞானிகள் வியந்தனர்.


விஞ்ஞானிகள் தங்களது நவீன உபகரணங்கள் வாயிலாகக் கண்டதை நம் மெய்ஞானிகள் அந்தக்கரணம் வழியே கண்டு அப்படியே உலகிற்கு எடுத்துரைப்பதன் உதாரணம்தான் அருணகிரிநாதர் தன் திருப்புகழில் பாடிய பரமகுருவாய், அணுவில் அசைவாய் என்ற வரிகளாகும் (இருவர் மயலோ என்று தொடங்கும் திருப்புகழ்)


இதைத் தொடர்ந்து 2004ம் ஆண்டு ஜூன் மாதம் 18ம் தேதி ஐரோப்பிய அணுத்துகள் இயற்பியல் ஆராய்ச்சி மையத்திற்கு இந்திய அரசாங்கம் 2 மீட்டர் (சுமார் ஆறு அடி) உயரமுள்ள நடராஜரின் சிலையை அந்த நிறுவன விஞ்ஞானிகள் இந்தியாவுடன் தொடர்ந்து கொண்டிருக்கும் நல்லுறவைப் போற்றும் வகையில் வழங்கியது. (ஜெனிவாவில் அமைந்திருக்கும் இந்த மையத்துக்கு இந்தியா வழங்கிய நடராஜரின் சிலையைப் படத்தில் பார்க்கலாம்)


செர்ன் (CERN) விஞ்ஞானிகள் அணுத்துகள் நடனத்தையும் நடராஜரின் நடனத்தையும் ஒப்பிடுவதைப் போற்றி நன்றி தெரிவிப்பதற்காக இதை வழங்குவதாக நம் அரசு பெருமையுடன் தெரிவித்தது.

ஆக, விஞ்ஞானம் வியக்கும் மெய்ஞான நடனம் நம் சிதம்பர நடராஜரின் நடனம் என்பதை அறியும் போது நம் மெய் சிலிர்க்கிறது அல்லவா?!

இப்படிப்பட்ட பதிவுகளை இத் தளத்தில் ஏன் இடுகிறோம் என்றால் இனிமேல் ஆவது இந்து மத மகிமையை உணர்ந்து இந்து மதத்தை இழுக்காக்கும் ஆசாமிகள் பற்றி பதிவிடும் பதிவாளர்கள் இந்துவின் மகிமை பற்றி பதிவிடுவீர்கள் என எதிர்பார்க்கிறோம்..

என்றும் அன்புடன்
தர்மத்தின் பாதையில்


Monday, September 5, 2016

கிருஸ்ணர் வாழ்ந்த இடத்தை கண்டறிந்த தொல்பொருள் ஆய்வு



கிருஷ்ணர் ஆட்சிபுரிந்த துவாரகையும் 5200 ஆண்டுகளுக்கு முன் கடலில் மூழ்கியது. தொல்லியல் ஆராய்ச்சியில், புதைந்த பகுதிகளைக் காண முடிந்ததால் துவாரகை இருந்தது உண்மை என்பது நிரூபணம் ஆகியுள்ளது.

தொல்லியல் ஆராய்ச்சி: இந்திய தேசிய கடல் ஆராய்ச்சிக் கழகம், துவாரகை கடல்பகுதியில், 1983 முதல் 1990 வரை 18 ஆராய்ச்சிகளை மேற்கொண்டது. குஜராத் மாநிலம் லோத்தல் பகுதியில் தொல்லியில் ஆய்வாளர் எஸ்.ஆர். ராவ் தலைமையில் ஆய்வு நடந்தது. பழமையான நகரமான துவாரகை கடலுக்குள் இருப்பதை கண்டுபிடித்தனர். ஆய்வின்போது துவாரகையின் ஒருபகுதியான பேட் துவாரகையில் கி.மு.1528ம் ஆண்டைச் சேர்ந்தமண்பாண்டத்தையும், கடற்கரையில் 560மீட்டர் நீளமுள்ள சுவர் ஒன்றையும் கண்டனர். இப்பகுதி கிருஷ்ணர் ஆண்ட துவாரகை என முடிவு செய்தனர். இந்த முடிவுகளை எஸ்.ஆர்.ராவ், தி லாஸ்ட் சிட்டி ஆப் துவாரகா என்னும் நூலாக ஆங்கிலத்தில் வெளியிட்டார். இந்த ஆய்வு மூலம் மகாபாரதம் உண்மையில் நடந்த நிகழ்ச்சி என்பது உறுதியானது. மகாபாரத முடிவில் வந்த கலியுகம் தொடங்கி, 5113 ஆண்டுகள் ஆகிறது. அதற்கு 87 ஆண்டுகளுக்கு முன்பே துவாரகை மூழ்கியதால், இந்நகரம் மூழ்கி 5200 ஆண்டுகளாகிறது என்பது உறுதிப்படுத்தப்படுகிறது.

பேட் துவாரகை: கோமதி நதிக்கரையில் அமைந்த துவாரகாவுக்கு துவாரமதி, துவாரவதி, குசஸ்தலை என்ற பெயர்களும் உண்டு. துவாரகை அருகிலுள்ள பேட் துவாரகையிலும் கிருஷ்ணர் வாழ்ந்ததற்கான ஆதாரங்கள் உள்ளன. இங்கு 18 மீட்டர் அகலம் கொண்ட இரண்டு பிரதான சாலைகள், ஒன்றுக்கொன்று தொடர்புடைய குடியிருப்புகள், மூன்று பிரம்மாண்ட கட்டடத் தொகுப்புகள் தென்படுகின்றன. சுவரைக் கட்ட பயன்படுத்திய கற்கள், 3600 ஆண்டுகளுக்கு முந்தைய தொன்மை வாய்ந்ததாக உள்ளது. பேட் துவாரகை ஒரு தீவுப்பகுதியாகும். இங்கு தான் கிருஷ்ணர், சத்தியபாமா, ஜாம்பவதி ஆகியோர் பொழுதுபோக்க வந்துள்ளனர். ஆங்காங்கே பூந்தோட்டம், ஏரிகளும் உள்ளன.

மூழ்கிய துவாரகை: கடலில் மூழ்கிய துவாரகையில், அடிப்படை வசதியுள்ள குடியிருப்பு, வியாபார இடங்கள், அகன்ற சாலை, அழகான துறைமுகம் இருந்துள்ளன. தங்கம்,வெள்ளி, நவரத்தினங்கள் இழைக்கப்பட்ட கட்டடங்களும் இங்கு பிரசித்தமாக விளங்கியுள்ளன. குரு÷க்ஷத்ர யுத்தம் முடிந்து 36 ஆண்டுகளுக்குப்பின், துவாரகை முழுவதும் கடலுக்கடியில் மூழ்கியது. இதனை முன்கூட்டியே அறிந்த கிருஷ்ணர் யாதவர்களை பிரபாஸ் என்ற உயரமான மலைப்பிரதேசத்திற்கு அழைத்துச் சென்று பாதுகாத்தார். தற்போது இப்பகுதி சோம்நாத் எனப்படுகிறது. அழிந்த துவாரகையை நீர்மூழ்கிக்கப்பலில் சென்று பக்தர்கள் பார்ப்பதற்கு இந்தியக்கடல் அகழ்வாராய்ச்சிக்கழகம் ஏற்பாடு செய்து வருகிறது. தேவலோக தச்சன் விஸ்வகர்மா இந்நகரத்தைக் கட்டியதாக புராணங்கள் சொல்கின்றன.

துவாரகாநாத்ஜி மந்திர்: துவாரகை அழிந்த பிறகு, அங்கு மூன்று முறை கோயில் கட்டப்பட்டிருக்கிறது. எல்லாமே கடலில் மூழ்கியிருக்கலாம் அல்லது பிற சமயத்தாரால் அழிக்கப்பட்டிருக்கலாம். தற்போது உள்ள கோயில் 1500 ஆண்டுகளுக்கு முன் கட்டப்பட்டது. இது துவாரகாநாத்ஜி மந்திர் எனப்படுகிறது. மூலவர் கல்யாண நாராயணர் என்ற திருநாமத்துடன் மேற்கு நோக்கி காட்சி தருகிறார். தாயார் திருநாமம் கல்யாண நாச்சியார். கண்ணனின் எட்டு துணைவியர் (அஷ்ட மகிஷிகள்), அண்ணன் பலராமன், துர்வாச மகரிஷி ஆகியோருக்கு சந்நிதிகள் உள்ளன. இங்கு மன்னராக கண்ணன் வீற்றிருப்பதாக ஐதீகம்.

17முறை போக்: துவாரகை கிருஷ்ணருக்கு தினமும் 17முறை உணவு படைக்கப்படுகிறது. இதை போக் என்பர். உடையும் தொடர்ந்து மாற்றப்படுகிறது. காலையில் சுவாமியை எழுப்பும் நிகழ்ச்சி உடாபன் எனப்படும். கிருஷ்ணனை பெரியாழ்வார், நம்மாழ்வார், திருமங்கையாழ்வார், திருமழிசையாழ்வார், ஆண்டாள் பாடியுள்ளனர்.

இருப்பிடம்: குஜராத் தலைநகர் அகமதாபாத்திலிருந்து 455 கி.மீ.

http://www.youtube.com/watch?feature=player_embedded&v=nQZFS9Hij0M